भारत की संस्कृति के लिए... भाषा की उन्नति के लिए... साहित्य के प्रसार के लिए
केन्होॅ छै ई देश, देश ई केन्होॅ छै / सियाराम प्रहरी
Kavita Kosh से
Lalit Kumar (चर्चा | योगदान) द्वारा परिवर्तित 15:10, 9 मई 2016 का अवतरण ('{{KKGlobal}} {{KKRachna |रचनाकार=सियाराम प्रहरी |अनुवादक= |संग्रह=...' के साथ नया पृष्ठ बनाया)
केन्होॅ छै ई देश, देश ई केन्होॅ छै
बेटा जहाँ बिकैलोॅ जाय छै
बेटी जहाँ जलैलोॅ जाय छै
जे बहु के झरकाय रहल छै, बाँचै छै उपदेश
देश ई केन्होॅ छै।
नारी के सम्मान जहाँ नै
धरम आरु ईमान जहाँ नै
ऐन्होॅ घोॅर घोॅर नै लागै, लागै छै परदेश
देश ई केन्होॅ छै।
दामन में छै दाग लगावै
आरो अपनोॅ नाम घिनावै
देखि देखि गिरलोॅ समाज ई, दिल पर लागै ठेस
देश ई केन्होॅ छै।
केन्होॅ बौखल ई समाज छै
तनियोॅ सन लागै न लाज छै
चारो दिस अन्हरिया हेनोॅ, कुछ नै बचलोॅ शेष
देश ई केन्होॅ छै।
