भारत की संस्कृति के लिए... भाषा की उन्नति के लिए... साहित्य के प्रसार के लिए

गंगा बोहिगे राम / बद्री विशाल परमानन्द

Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:12, 3 अगस्त 2019 का अवतरण ('{{KKGlobal}} {{KKRachna |रचनाकार=बद्री विशाल परमानन्द |अनुवादक= |स...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

मन मां सोचे राजा भागीरथी कइसे होगे राम
भोले नाथ के जटा ले हो, गांगा वोहीगे राम

विस्नु के चरनामृत गंगा, व्रम्हा ल गोहरायेव
महादेव ला झोंके ल केहेव, तेकर फलला पायेंव
गौरीनाथ के जटा के पूरति, गंगा होगे राम

मर-मर के मैं करेव तपसिया, तन ला अपन तपायेंव
पेट भरीस ना पुरखा तरिस, फोकट के दुख पायेंव
मोर पुरखा मन के, मोरो मन के आशा रहीगे राम

अब का करिहव घर मां जाके, का मुंहु ला देखाहूं
शिव शिव शिव शिव गंगा गंगा, जपत जफ्त मर जाहूं
उम्हगे संकर के संगुरिया तेमा, राजा बुढ़गे राम

भोलेनाथ दयालु देखीस, गत ला भागीरती के
गंगा धार जटा ले निकलिस, दूध के धार सरीके
राजा भागीरत के पीढ़ी के पीढ़ी, पुरखा तरगे राम