भारत की संस्कृति के लिए... भाषा की उन्नति के लिए... साहित्य के प्रसार के लिए
गीत 7 / पाँचवाँ अध्याय / अंगिका गीत गीता / विजेता मुद्गलपुरी
Kavita Kosh से
Lalit Kumar (चर्चा | योगदान) द्वारा परिवर्तित 03:25, 14 जून 2016 का अवतरण ('{{KKGlobal}} {{KKRachna |रचनाकार=विजेता मुद्गलपुरी |अनुवादक= |संग...' के साथ नया पृष्ठ बनाया)
ज्ञानी कोनो भेद न जानै
ब्राह्मण-गौ-हाथी-कुत्ता के एक भाव से मानै।
उत्तम-मध्यम-नीच भाव के समदर्शी नै जानै
जेना जीव सिर-हाथ-पैर के खुद से भिन्न नै मानै
जैसेॅ ठोकर लगै पाँव में, और आँख तब कानै
ज्ञानी कोनो भेद न जानै।
जिनकर मन सम भाव में स्थिर, से जग के छिक जेता
सम स्वरूप सच्चिदानन्द के, जे छिक परम विजेता
समदर्शी सच्चिदानन्द के सम स्वरूप पहचानै
ज्ञानी कोनो भेद न जानै।
राग-द्वेष अरु मोह न मन में कभी भूल से आनै
समदर्शी अनकर शरीर, अपनोॅ शरीर सन जानै
नै सुख में हर्षित, नै दुख में भी कखनोॅ दुख मानै
ज्ञानी कोनो भेद न जानै।
