भारत की संस्कृति के लिए... भाषा की उन्नति के लिए... साहित्य के प्रसार के लिए
चुनाव के अइलइ समया / सिलसिला / रणजीत दुधु
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:52, 28 जून 2019 का अवतरण ('{{KKGlobal}} {{KKRachna |रचनाकार=रणजीत दुधु |अनुवादक= |संग्रह=सिलस...' के साथ नया पृष्ठ बनाया)
चुनाव के अइलइ समइया हो रामा
नेतवन निगलऽ जा हई
जीते गइया हो रामा।
पाँच बरिस तक कन्ने हल सभे नुक्कल
आय चल रहल हन गलिये गलिये घुम्मला
हाथ जोड़ कह रहल बाबु भइया हो रामा
चुनाव के अइलइ समइया हो राम
राजनीति के अब रोजगार बनइलक
मिल जुल एकरा बाले बच्चे अपनइलक
नाचे सभे ताता थइया हो रामा
चुनाव के अइलइ समइया हो राम।
जात-पात के भुलावा में मत भुलइहा
जे हो नेक ओकरे पर बटम दबइहा
मझधार से निकलऽ नईया हो रामा
चुनाव के अइलइ-2 समइया हो रामा।
