भारत की संस्कृति के लिए... भाषा की उन्नति के लिए... साहित्य के प्रसार के लिए

छत्तीसगढ़ के माटी म सोन गड़े हे / गणेश विश्वकर्मा

Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:14, 14 अगस्त 2019 का अवतरण ('{{KKGlobal}} {{KKRachna |रचनाकार=गणेश विश्वकर्मा |अनुवादक= |संग्रह...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

खेत के कमईया तोर भाग बड़े हे
छत्तीसगढ़ के माटी म सोन गड़े हे

बरसत पानी म, तय खेत ल कमाये
गरजत लहुकत ल तय कभू नई डराये
तोर रक्षा करइया, भगवान खड़े हे
छत्तीसगढ़ के माटी म सोन गड़े हे

तन ह सुखाये तोर, दिखे हाड़ा हाड़ा
अन्न ल उपजा के, सबके मूह म डारे चारा
धन हे ग किसान तोर, उपकार बड़े हे,
छत्तीसगढ़ के माटी म सोन गड़े हे

बड़े बड़े से बड़े बाबू भईया
गरीब किसान के नइये ग सुनइया
वोट बर बड़े बड़े नेता खड़े हे,
छत्तीसगढ़ के माटी म सोन गड़े हे।