भारत की संस्कृति के लिए... भाषा की उन्नति के लिए... साहित्य के प्रसार के लिए
जमजम चाहे गंगाजल / जौहर शफियाबादी
Kavita Kosh से
Mani Gupta (चर्चा | योगदान) द्वारा परिवर्तित 20:28, 1 अक्टूबर 2013 का अवतरण ('{{KKGlobal}} {{KKRachna |रचनाकार=जौहर शफियाबादी |अनुवादक= |संग्रह= }...' के साथ नया पन्ना बनाया)
जमजम चाहे गंगाजल,
बैरी ह दूनू के छल
रहिया राहता देख के चल
मोह के महकल बा जंगल
साँच बखानत चूक भइल बा
मन में बा हलचल-हलचल
रउआ जिहीं लाख बरीस
हमरा खातिर पल-द पल
हम मरुथल के चान झुराइल
तू रसवन्ती ताजमहल
भोजपुरी में हमरो बाटे
गलिब जइसन चोख गजल
नेह नयन से नाता जोड़
छोड़ ‘जौहर’ दल दलदल
