भारत की संस्कृति के लिए... भाषा की उन्नति के लिए... साहित्य के प्रसार के लिए
ददरिया / चंद्रशेखर चकोर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:21, 13 अगस्त 2019 का अवतरण ('{{KKGlobal}} {{KKRachna |रचनाकार=चंद्रशेखर चकोर |अनुवादक= |संग्रह= }...' के साथ नया पृष्ठ बनाया)
तंय कुहुक झन कोइली,
सुहावत नइये बोली।
बइठे गोबरहिन बमभूर छईहा।
मोर खेती हे झुख्खा आंखी म लईहा॥
कउहा म खोंधरा झुलत हे डोरी।
का मंगईया बनंव के करंव चोरी।
ठों ठों हे दर्रा भरकाहा नहर।
का खेती ल बेंचसी जावंव सहर॥
अइलाहा धान अउ हरियर कांसी
का लईका सुवारी संग लगा लंव फांसी।
ठुड़गा त ठाढ़े गाहदे रुख हे चूप।
होगे जिनगी भंवर अउ दुनिया कुलूप ॥
नवा है भांड़ी चिकन परदा।
ये दे भट के मन देवता देखा दे निक रद्दा॥
