भारत की संस्कृति के लिए... भाषा की उन्नति के लिए... साहित्य के प्रसार के लिए
नील कुसुम / राजकुमार
Kavita Kosh से
Lalit Kumar (चर्चा | योगदान) द्वारा परिवर्तित 17:46, 5 अप्रैल 2017 का अवतरण ('{{KKGlobal}} {{KKRachna |रचनाकार=राजकुमार |अनुवादक= |संग्रह=टेसू क...' के साथ नया पृष्ठ बनाया)
हिरदय सरोबरोॅ में,
खिललोॅ नील कुसुम,
माटी रोॅ गंध लेनें,
अकाशोॅ केॅ समैनें,
चान सुरूज तारा नक्षत्रोॅ केॅ टाँकनें,
गरदा उड़ैनें धूरा फाँकनें,
हवा के संगें-संग,
दुआरी-दुआरी जाय छै,
कहानी कविता गीत सुनाय छै,
सुतलोॅ साँझोॅ केॅ जगाय छै,
अँधड़-अन्हारोॅ सें लड़ी केॅ
अन्हारोॅ केॅ भगाय छै,
पाटै छै मुरझैलोॅ धरती रोॅ छाती केॅ,
बाँटै छै गंध,
काटै समेटै छै फसलोॅ केॅ,
मतुर जबेॅ-जबेॅ सुरता रोॅ बतासें,
अन्तरमनोॅ केॅ झकझोरै छै,
समतैलोॅ सागर केॅ हिलकोरै छै,
ममता फाटै छै,
नील कुसुमोॅ रोॅ याद में।
