भारत की संस्कृति के लिए... भाषा की उन्नति के लिए... साहित्य के प्रसार के लिए
पग रै नीचै लाय लाग'री / मानसिंह शेखावत 'मऊ'
Kavita Kosh से
आशिष पुरोहित (चर्चा | योगदान) द्वारा परिवर्तित 14:09, 11 मई 2018 का अवतरण ('{{KKGlobal}} {{KKRachna |रचनाकार=मानसिंह शेखावत 'मऊ' |अनुवादक= |संग्...' के साथ नया पृष्ठ बनाया)
पग रै नीचै लाय लाग'री, डूंगर बळती दीखै है !
काकाजी री सारी कुबदां, चढ़ चोबारै चीखै है !!
मा को जायो बैर काढ़रयो, संघी मिनख सरीखै है !
बैठ्यो जड़ काटै भाई की, लगी चोट पै रींकै है !!
बेरुजगार डोलरया बेटा, जण-जण आगै झींकै है !
दारू पीकै दरबेड़ा कर, आकासां मैं फीकै है !!
घर का पूत कुँवारा डोलै, पाड़ोसी नैं टींकै है !
रामरुसग्यो राज नाटग्यो, कुण नैं आज उडीकै है !!
अड़वा ऊबा खेत-खेत मैं, ठाकर क्यूँ ना सीखै है !
पग रै नीचै लाय लाग'री, डूंगर बळती दीखै है !!
