परेवाः सेता–काला / अविनाश श्रेष्ठ

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अविनाश श्रेष्ठ » परेवा : सेता - काला »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

उमेर बिसाऊँ–बिसाऊँ झैँ लाग्छ
यी नीला शिरीषका फूलहरुमा । कसले पो
बुझेको छ र समयको लहड । अर्को छिनमै
कुन कोल्टे बसिदिने हो ।
आँखाहरुलाई टेकाउँदा–टेकाउँदै
जिन्दगी थेग्ने कुनै सबल धारणाको ढुङ्गामा
चिप्लिएर गए लेउमा खुट्टा झैँ । मनलाई
छोप्दा–छोप्दै, बाँद्धा–बाद्ध्रै इच्छाहरुले
फुत्किदियो खुकुलो सुर्के गाँठो झैँ ।
चिनाउँदा–चिनाउँदै रहरलाई मन
र मनलाई रहर । धपाउँदा–धपाउँदै आँखा अघिबाट
उमेरका सेता–काला परेवा । म सक्किएँ ।
तर न मनले रहर चिन्यो । न रहरले बुझिदियो मन ।
अझ पनि लाग्दै छ—
उमेर बिसाऊँ एक्कै छिनलाई भए पनि
यी नीला शिरीषका फूलहरुमा ।
बैँसले नेटो काटेर के भयो
मन त साबिकै छ !