भारत की संस्कृति के लिए... भाषा की उन्नति के लिए... साहित्य के प्रसार के लिए
पिछतावौ / चंद्रप्रकाश देवल
Kavita Kosh से
आशिष पुरोहित (चर्चा | योगदान) द्वारा परिवर्तित 13:52, 17 जुलाई 2022 का अवतरण ('{{KKGlobal}} {{KKRachna |रचनाकार=चंद्रप्रकाश देवल |अनुवादक= |संग...' के साथ नया पृष्ठ बनाया)
पिरसूं उडीक्यौ
उडीक आज करी
कालै ई उडीकूंला
पण औ उडीक रौ दुसरावणौ कोनीं
भलां ई व्हौ
वौ इज फळसौ
वौ इज आंगणौ
वौ रौ वौ बगत
कांईं ठाह
कीकर वा आपूंआप नवी व्हैजा।
दुसराय अपां की नीं सकां
नीं जूंण
नीं प्रीत
नीं सपनौ
नीं बात
मन घणौ ई कटै
जिणसूं कांईं व्है
बाळणजोगड़ौ औ पिछतावौ ई कोनी दुसराइजै!
