भारत की संस्कृति के लिए... भाषा की उन्नति के लिए... साहित्य के प्रसार के लिए
बाँच तिमीले बाँच्नुपर्छ ! तिमी भन्छौ / ठाकुर बेलवासे
Kavita Kosh से
Sirjanbindu (चर्चा | योगदान) द्वारा परिवर्तित 14:56, 3 जनवरी 2017 का अवतरण ('{{KKGlobal}} {{KKRachna |रचनाकार= ठाकुर बेलवासे |अनुवादक= |संग्रह= }}...' के साथ नया पृष्ठ बनाया)
यात्रामा देखिँदै गरेको उज्यालोले
आँखामा पट्टी बाँधेर
मलाई डोर्याइरहेको हुन्छ ।
आँखाको लोभ नगर
लोभ नगर हात र खुट्टाको
अग्निकुण्डमा हाँसोलाई आहुति दिएर
तिमी भन्छौ
बाँच, तिमीले बाँच्नुपर्छ ।
मेरा लागि केही बाँकी छैन
म हरक्षण
हर ठाउँ
रक्ताम्य लड्नुपर्छ ।
टाढिँदै गयो बालापन मसँग
म किनारबाट अँध्यारोमा हात हल्लाइरहेँ ।
यौवन बासको पातजस्तो
सुकेर धेरै समय
ममा झुन्डिरह्यो
कुन गल्लीमा
कुन बेला झर्यो
मेरो बैँस ।
क्षितिजको हिमालजस्तो तिमी
तिमीतिरबाट आइरहेका छन्
मलाई लखेट्ने सारा दुःखहरू ।
मैले मृत्यु पिइरहेको छु
सायद
तिम्रो दीर्घायुका लागि
बाँच तिमीले बाँच्नुपर्छ !
तिमी भन्छौ ।
