भारत की संस्कृति के लिए... भाषा की उन्नति के लिए... साहित्य के प्रसार के लिए
बिना उनवान-2 / ईश्वर आँचल
Kavita Kosh से
Lalit Kumar (चर्चा | योगदान) द्वारा परिवर्तित 01:30, 24 सितम्बर 2016 का अवतरण ('{{KKGlobal}} {{KKRachna |रचनाकार=ईश्वर आँचल |अनुवादक= |संग्रह= }} {{KKCatKav...' के साथ नया पृष्ठ बनाया)
आसमानु तारनि सां सारो झिंझियलु
निंडमय संसारु हो
ख़ामोश हो वायूमंडलु, चौतरफ़
सागर मिसल अंधकारु हो फहिलियल विशाल
जंहिं जे सीने ते
सितारनि जूं थे नौकाऊं तरियूं
दूर ते मायुस माण्हुनि जियां
खड़ा दरख़त हुआ
वाउ जे झोंके सां लरज़ी थे
पननि सर सर कई,
हल्को हल्को धीमो धीमो
आसमान बेठे रुनो
भूंड जे सीने ते
दाग़नि जियां हुआ जल जा दुॿा
दूर खां ॼणु झिलमिलाए
थे ॿरियूं बरक़ी बतियूं!
हीअ सृष्टि आदमीअ जहिड़ी
पुराणी थी वेई आ
मौत उन खे ठपे ठाहे
वरी डाहे रहियो आ।
रूप-रेखा हिन जॻत जी
आद खां साॻी रही आ।
