भारत की संस्कृति के लिए... भाषा की उन्नति के लिए... साहित्य के प्रसार के लिए
बीजी दुनियां थांरी म्हारी / राजूराम बिजारणियां
Kavita Kosh से
आशिष पुरोहित (चर्चा | योगदान) द्वारा परिवर्तित 10:38, 12 जून 2017 का अवतरण ('{{KKGlobal}} {{KKRachna |रचनाकार=राजूराम बिजारणियां |अनुवादक= |संग...' के साथ नया पृष्ठ बनाया)
चालतो चालतो
मुळकूं
बतळाऊं
भाजूं
थम जाऊं...
देऊं ओळमों बात-बात माथै..!
तद, समझो आप
साव चमगूंगो
सोचो, हालगी लागै डबड़ी।
पण नीं
बात हुवै और कीं
घूमूं हूं बीजी दुनियां में
जिण में आप नीं
नीं जीयाजूण रा अबखा रंग...!
रंग...
फगत हेत रा
प्रीत रै हाथां
भरनै बाथां
खेलूं फाग
रमूं रास
देवूं ओळमों बात-बात माथै!!
ठाकरां...!
फेर क्यूं आप
तिड़काओ राफ
क्यूं...
बखत रो घोटतां घेंटू
रोप दी निजरां
म्हारी काया रै कुंडाळै
जद कै पतियारो है
इण बखत
बीजी है दुनियां
थांरी अर म्हारी !
