मचिया बइठली तोंही मइया, त सुनहऽ बचन मोरा हे / मगही
मचिया बइठली<ref>बैठी हुई</ref> तोंही मइया, त सुनहऽ बचन मोरा हे।
मइया, हमहूँ लीपलियइ<ref>लीपा, साफ सुथरा किया</ref> त सउर,<ref>सौरीघर</ref> हमहूँ कछु दान चाही हे॥1॥
सउरी पइसल तोंहे बहुआ, त सुनहऽ बचन मोर हे।
बहुआ, देइ देहु नाक के बेसरिया, दुलारी धिया<ref>बेटी</ref> पाहुन<ref>मेहमान</ref> हे॥2॥
एतना बचन जब सुनलन, सासु से अरज करे हे।
सासुजी हम कहाँ पयबो बेसरिया, बेसरिया हेराइ<ref>खो जाना</ref> गेल हे॥3॥
जुगवा<ref>जूआ</ref> खेलइते तोंहे भइया, त सुनहऽ बचन मोरा हे।
भइया हमरा के दान किछु चाही, सउर हम लीपलि हे॥4॥
एतना बचन जब सुनलन, धनि से कहे लगलन हे।
धनि देइ देहु नाक के बेसरिया, बहिन घर पाहुन हे॥5॥
एतना बचन जब सुनलन, परभु से अरज करे हे।
परभुजी, कहाँ हम पायब<ref>पाऊँगी</ref> बेसरिया, बेसरिया भुलाई गेल हे॥6॥
चुप रहु, चुप रहु बहिनी, त बहिनी दुलारी बहिनी हे।
कर लेबो दोसर बिआह, बेसर पहिरायब हे॥7॥
एतना बचन जब सुनलन, सुनहु न पावल हे।
परभुजी, मत करू दोसर बिआह, बधइया<ref>खुशी में दिया जाने वाला पुरस्कार</ref> हम देइ देवइ हे॥8॥
