भारत की संस्कृति के लिए... भाषा की उन्नति के लिए... साहित्य के प्रसार के लिए
म्हारै चितराम नै नीं / सांवर दइया
Kavita Kosh से
अनिल जनविजय (चर्चा | योगदान) द्वारा परिवर्तित 02:40, 29 नवम्बर 2010 का अवतरण
म्हारै मनै
किणी ऊणै-खूणै में
साव नागी-उघाडी बैठी तूं
लागै अणहद रूपाळी
कागद माथै कलम सूं
चितारियो थारो रूप
जग में हुई चावी तूं
देखै अर सरावै लोग-
रूप-रंग-उणियारो
अंगां रा मोड़
रंग सागै रंग रो जोड़
म्हारै चितराम नै नीं
थनै ई सरावै बै
तूं ई बैठी है
सगळां रै मनां में
किणी-न-किणी ठौड
साव नागी-उघाड़ी !
