भारत की संस्कृति के लिए... भाषा की उन्नति के लिए... साहित्य के प्रसार के लिए

म्हारै रचाव रा पगलिया / संजय पुरोहित

Kavita Kosh से
Lalit Kumar (चर्चा | योगदान) द्वारा परिवर्तित 21:19, 28 नवम्बर 2015 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

म्हारा रचाव रा पुहूप
घिर जावै
चारूं मेर
कांटा भरयोड़ै
मून सूं
आकळ-बाकळ आखर
करै है रूदाळी
मून पण
म्हैं उठाऊं
अरथां‘र विचारां री हंसूली
अर
बाढूं इण कांटा नै
अर सोधूं आणी हथैली
घाव तड़फीज्यौड़ा
केई सबदां री
सरक रैयी है सांस
म्हैं पुचकारूं करूं खेचळ
अर करूं सिणगार
सलीके सूं
क्यूं कै आखर हुय तो है
म्हारै सिरजण रो आंगणौ
अर उन आंगणे है म्हारै
रचाव रा पगलिया