भारत की संस्कृति के लिए... भाषा की उन्नति के लिए... साहित्य के प्रसार के लिए

म्हैं अर बै / मनोज देपावत

Kavita Kosh से
आशिष पुरोहित (चर्चा | योगदान) द्वारा परिवर्तित 08:49, 14 जून 2017 का अवतरण ('{{KKGlobal}} {{KKRachna |रचनाकार=मनोज देपावत |अनुवादक= |संग्रह=थार-...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

आज जद म्हैं
म्हारै अर बारै
कामां री तुलना करी
जद देख्यो
कै सांचण बताणों.... म्हारो काम!
सुपणा दिखाणों ... बांरो काम!
मंजिल पाणों.... म्हारो काम!
रसता भटकाणों.... बांरो काम!
मन समझाणों... म्हारो काम!
चित्त बेकाणों....बांरो काम!
नीर पियाणों....म्हारो काम!
प्यास भड़काणों...बांरो काम!
दवा दिराणों...म्हारो काम!
दरद बढाणों...बांरो काम!
मरता जियाणों...म्हारो काम!
बैमोत मराणों....बांरो काम!
सुलह कराणों...म्हारो काम!
सिर फुडाणोें....बांरो काम!
बात दबाणों...म्हारो काम!
रोळो मचाणों....बांरो काम!
ओ देख अर म्हनै लाग्यो
बै बूढिया झूठ कैवै
कै छोरो, ऊंधा काम थे ही थे करो।