भारत की संस्कृति के लिए... भाषा की उन्नति के लिए... साहित्य के प्रसार के लिए
लाल कर देबो तोरा रंग डाल के / सिलसिला / रणजीत दुधु
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:51, 28 जून 2019 का अवतरण ('{{KKGlobal}} {{KKRachna |रचनाकार=रणजीत दुधु |अनुवादक= |संग्रह=सिलस...' के साथ नया पृष्ठ बनाया)
लाल कर देबो तोरा रंग डाल के
तनि रगड़े दा रंग आउ गुलाल के।
भिंग जइतो तोर फहफह उजरी साड़ी
जइसी पोरवो रंग भर-भर पिचकारी
याद करवा जिनगी भर तों इ साल के
लाल कर देबो तोरा रंग डाल के।
असरा कहिया से लगल हल इ दिन के
काट रहलुँ हल समइया गीन-गीन के
ढेरो दिन रखला हमर इच्छा टाल के
लाल कर देबो तोरा रंग डाल के।
परेम के रंग में ऐसन डुबइवो हम
तोर जिनगी के सभे गम भुलइबो हम
बदल के रख देवो तोहर चाल के
लाल कर देबो तोरा रंग डाल के।
होलिका दहन करबइ भरसटाचार के
सिखइबइ लूर बुद्धि सभे बेकार के
अब दिल में न´ रहे देम मलाल के
लाल कर देबो तोरा रंग डाल के।
