भारत की संस्कृति के लिए... भाषा की उन्नति के लिए... साहित्य के प्रसार के लिए
सिमरिया घाट / राजकमल चौधरी
Kavita Kosh से
Lalit Kumar (चर्चा | योगदान) द्वारा परिवर्तित 11:33, 5 अगस्त 2015 का अवतरण ('{{KKGlobal}} {{KKRachna |रचनाकार=राजकमल चौधरी |अनुवादक= |संग्रह= }} {{KK...' के साथ नया पृष्ठ बनाया)
खुट्टापरसँ छूटलि बहिना, गेली सिमिरिया घट
ढरल रंगमे, गत प्रसंगमे-
जट्ठाधारी जोगी भेटलनि
बीच गंगमे
जरल बाँस सन, त्रिया-कर्म-धन,
बहुरुपिया सम्राट!
खुट्टापरसँ छूटलि बहिना, गेली सिमिरियाघाट
खसल घैलमे फूटल बहिना
कयलनि साटम-साट!
बीच गंगमे
नाक डुबौलनि, कान डुबौलनि
गंगा-कातक धार्मिक अन्हारमे
भेल कथा विभ्राट!
मुदा, भक्त केर रक्षक छथि बम्भोला-भगवान
ग्राहकेँ हथियार छूटल
हथिनी दै छथि दान!
(मिथिला- मिहिर: 5.12.65)
