भारत की संस्कृति के लिए... भाषा की उन्नति के लिए... साहित्य के प्रसार के लिए

सुगन / कृष्ण वृहस्पति

Kavita Kosh से
आशिष पुरोहित (चर्चा | योगदान) द्वारा परिवर्तित 11:11, 12 जून 2017 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

कांई ठाह
कुण बीज्यो हो
म्हारै आभै मांय
बींरी हंसळी रो चांद ?
अर
कियां बंधग्यो
म्हारी भरोटी मांय
काळै नाग ?

बींरी हंसळी रो चांद
राखै रोहिड़ै रै फूलां री ख्यांत
अर म्हारी भरोटी वाळौ नाग
नीं टिपण देवै म्हानै
बारली गुवाड़।

म्हारै लीलै पडयोड़ै डील नै
आपरै पसेवां रो अरग दे'र
बा खोल देवै चौथ रा बरत।
अर गांव री बूढ़ी-बडेर्यां
भेळी हो'र
गावण लाग जावै
ब्याव रा गीत।