भारत की संस्कृति के लिए... भाषा की उन्नति के लिए... साहित्य के प्रसार के लिए
सृजनक आधार / एस. मनोज
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:49, 3 अगस्त 2020 का अवतरण ('{{KKGlobal}} {{KKRachna |रचनाकार=एस. मनोज |अनुवादक= |संग्रह= }} {{KKCatMaithiliRac...' के साथ नया पृष्ठ बनाया)
जखन कतहुँ देखैत छी स्त्री
पेट उचकल
नहूँ-नहूँ जाइत
अपार पीड़ाक सहेजने
त' रोमांचित भ' जाइय मोन
श्रद्धानत भ' जाइय माथ।
श्रृष्टिक लेल, सृजनक लेल
कतेक सहैत अछि स्त्री।
कवि, कथाकार, चित्रकार
वा आन कियो रचनाकार
व्यक्तिगत पीड़ा सँ दूर
समाज आ भविष्यक आश समेटने
कतेक प्रक्रिया सँ
गुजरलाक बाद
करैत छथि सृजन।
सभ रचनाकार आ मादा
छथि सृजनक आधार।
एहने मौन साधक सँ
चलि रहल अछि श्रृष्टि
श्रृष्टि सुन्नर बनैबाक लेल
सबहक चाही व्यापक दृष्टि।
