भारत की संस्कृति के लिए... भाषा की उन्नति के लिए... साहित्य के प्रसार के लिए
हाकै मांय / नीरज दइया
Kavita Kosh से
Neeraj Daiya (चर्चा | योगदान) द्वारा परिवर्तित 04:19, 19 फ़रवरी 2011 का अवतरण
म्हैं अठै
बरसां बाद बावड़ियो हूं
क्यूं चावूं देखणो
बो घर-गळी-आंगणो
कांई लेणो-देणो अबै
उण बीत्योड़ै बगत रै ऐनाणां सूं ।
बदळै बगत
स्सौ कीं हाफी-हाफी
तद नीं करै
मनां री गिनार ।
चोखो है भायला
थूं पोखै है कविता
इण हाकै में
परखै-पिछाणै पीड़
थारै जैड़ा रै ताण ई
साबत है
गैला-गूंगां रा सींग-पूछ ।
लोग कविता नै
गेला-गूंगा रा सींग-पूंछ समझै ।
