भारत की संस्कृति के लिए... भाषा की उन्नति के लिए... साहित्य के प्रसार के लिए
ઓસરીને લાગ્યો અહાંગરો / જિગર જોષી
Kavita Kosh से
Lalit Kumar (चर्चा | योगदान) द्वारा परिवर्तित 14:16, 6 जनवरी 2016 का अवतरण ('{{KKGlobal}} {{KKRachna |रचनाकार=જિગર જોષી |अनुवादक= |संग्रह= }} {{KKCatGujara...' के साथ नया पृष्ठ बनाया)
ઓસરીને લાગ્યો અહાંગરો
સથવારો દેવા મુને હીંચકો તો રહ્યો નથી – કરશે કોણ હાય રે ! ઉજાગરો?
ઓસરીને લાગ્યો અહાંગરો
ઓસરીની છાતીમાં માળો બાંધીને આમ ઉડી ગયું કોઇ અગમ પાંખે
ડેલીનો પ્હાડ વટી આથમતા સૂરજને જોયો છે સાવ સગી આંખે
ટૂંટિયું વાળીને સાવ સૂનમૂન બેઠો છે ફળિયાના ઝાડ પાસે વાયરો
ઓસરીને લાગ્યો અહાંગરો
સેંથો ભૂંસાય એમ ભૂંસાયું હીંચકાનું હોવું આ ઓસરીની સાથે
એવું લાગે છે જાણે ઝરણાં ઉપર પ્હાડ મૂકી દીધો હો મારા નાથે
ખાલી થવામાં વળી બોજો શું હોય? તો’ય ખાલીપો લાગે છે આકરો
ઓસરીને લાગ્યો અહાંગરો