भारत की संस्कृति के लिए... भाषा की उन्नति के लिए... साहित्य के प्रसार के लिए
ક્યારેક તો થાતું કે... / જિગર જોષી
Kavita Kosh से
Lalit Kumar (चर्चा | योगदान) द्वारा परिवर्तित 14:16, 6 जनवरी 2016 का अवतरण ('{{KKGlobal}} {{KKRachna |रचनाकार=જિગર જોષી |अनुवादक= |संग्रह= }} {{KKCatGujara...' के साथ नया पृष्ठ बनाया)
ક્યારેક તો થાતું કે રાતના કલરને હું બ્લેકમાંથી બ્લ્યુ કરી નાખું
બીક પછી લાગે નહિ ; ચોટલીથી પકડીને રાતને હું ખિસ્સામાં રાખું
રાત એ તો આકાશની ફાટેલી ચાદર જ્યાં તારાઓ હાઉકલી કરતાં
દાંત હશે કાઢતા એ જોક્સ કોઇ સાંભળીને – આપણને લાગે ટમટમતાં
ભાઇબંધને સાથ લઈ વાદળની ટ્રેન લઈ ઘૂમવું છે આભ આખેઆખું
ક્યારેક તો થાતું કે રાતના કલરને હું બ્લેકમાંથી બ્લ્યુ કરી નાખું
બીક પછી લાગે નહિ ; ચોટલીથી પકડીને રાતને હું ખિસ્સામાં રાખું
ચાંદો એ સાચુકલો ચાંદો નથી રે કાંઇ એ તો છે નાઇટલેમ્પ રાતનો
રાતને’ય અંધારાની બીક તો લાગે જ છે – પૂરાવો મળી ગ્યો આ વાતનો
સૂરજને આવવાનો થૈ ગ્યો છે ટાઇમ હવે અંધારું લાગે છે ઝાંખુ
ક્યારેક તો થાતું કે રાતના કલરને હું બ્લેકમાંથી બ્લ્યુ કરી નાખું
બીક પછી લાગે નહિ ; ચોટલીથી પકડીને રાતને હું ખિસ્સામાં રાખું
