भारत की संस्कृति के लिए... भाषा की उन्नति के लिए... साहित्य के प्रसार के लिए
ख़बर नाहे त रस्ते ते कुते भौंकियो थे कंहिं खे / एम. कमल
Kavita Kosh से
ख़बर नाहे त रस्ते ते कुते भौंकियो थे कंहिं खे।
मगर लंघन्दड़ उतां हर शख़्स समुझो पाण ॾे थे॥
न कंहिं खे ॾोहु ॾे तूं पंहिंजे पुर्ज़ा थी पवण जो।
तोखे चयो कंहिं त आईनो खणी ॾेखारि सभ खे॥
ही कहिड़ियुनि हालतुनि जे साये में अॼु वक्त आंदो।
जिते गुफ्तार आ बेसूद ऐं चुपि भी न ठहिके॥
लॻो पत्थर खे भी आ ख़ौफु जो अॼु कारो कीओं।
रोए थो ताजु(ताज-ताजमहल) पंहिंजे संगेमरमर जी चमक खे॥
मूं हर कोशिश कई गॾिजी उन्हनि सां हिकु थियां पर।
ॻणियो हरदम हुननि मूंखे अलॻ ख़ुद खां बिहारे॥
असीं घर जे अॻिएं दर ते रहियासीं पहरो ॾींदा।
पुठिएं दर खां कमल विया चोर सारो घरु ॿुहारे॥
