खु़द सां नाख़ुश रहण लॻो आहियां / एम. कमल

खु़द सां नाख़ुश रहण लॻो आहियां।
पंहिंजीअ दिल सां विढ़ण लॻो आहियां॥

ख़ौफ़ पाडूं करे वियो मूं मंे।
पाण खां भी डिॼण लॻो आहियां॥

ज़िंदगी मूं खे तूं माफ़ न कजि।
मौत लइ ई जिअण लॻो आहियां॥

नाहे बेजा, मूं ते खिलणु तुंहिंजो।
बिना कारण रुअण लॻो आहियां॥

वरी कंहिं वहम जो शिकारु थियुसि।
वरी दिल सां खिलण लॻो आहियां॥

महिर धरि, वणु असां जो साओ करि।
छांव सिज खां पिनण लॻो आहियां॥