हल्ला नै करऽ अंशऽ बरै छै
भोकार नै पारऽ अंशऽ बरै छै।
धरती पर नै रहेॅ देॅ सपना में
दरऽद देखी केॅ तोरऽ अंशऽ बरै छै।
झरकी गेलै तेॅ की कहऽ चरफरऽ
जंगल में बस्ती देखी अंशऽ बरै छै।
मानवता के सबसें बड़ऽ दुश्मन मानव
टेंगारी आपने गोड़ऽ पेॅ देखी अंशऽ बरै छै।
बातऽ-बातऽ में पड़ोसी केॅ दोष दै केरऽ खिस्सा
हय रकम घात देखी केॅ अंशऽ बरै छै।
इनारा सुखलै! पीय ऽ बस बोतल बंद पानी
देखौसी में घऽर बिकतें देखी अंशऽ बरै छै।