अइते महरानी फइलइलकी अपन माया
जिंदगी देवेवाली मइया होल पराया
दुधवा पिला-पिला हमरा कइलक सियान
हमरें में बसल हे ओकर सभे दिन से परान
दुख हमरा होवऽ हल कलपऽ हल एकर काया
जिंदगी देवेवाली मइया होल पराया
सुगवा कउर मइनमा कउर कह-कह खिलावऽ हल
लोरी सुना सुना हमरा रोजे सुतावऽ हल
एकोपल न´ हमरा से हटवऽ हल अपन साया
जिंदगी देवेवाली मइया होल पराया
हमर विआह कते धूमधाम से कइलक
टोला पड़ोसी हित नाता सभे के बोलइलक
पइर पुजी कइलक पेन्हा पेन्हा लुगा नाया
जिंदगी देवेवाली मइया होल पराया