गामों में उवलै बड़का हुच्चो
नांचै लागलै ठुठो बुच्चो
सभ्भैं सयानो दवकी गेलै
पकड़ी लेलकै बुच्चो के बुच्चो।
कारण की छै-
मंगला माय केे नाम्हलै भूत,
चिवावै लगले कत्ते रो पूत,
गोनू ओझा कहीं के गेल,
है डैनिया के मारिहौ कुटै कुट।
आवै की मानतै-
नंगा नांच नचावै लगलै,
गोवर घोली के पिलावै लगलै,
गल्ली कुच्ची घुमावै लगलै,
वुढ़वा सिनी लजावै लगलै।
कोट कचहरी में मामला उठलै,
गामो के नाम घिनावै ले पड़लै,
अंधविश्वासें नें जकड़ी लेलकै,
कत्ते ते जेलवा ढुकवै करलै।