बिंदिया चूड़ी कंगन आरो पायल छै / अमरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमरेन्द्र » रेत रोॅ राग »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बिंदिया चूड़ी कंगन आरो पायल छै
भुखलोॅ पेट सुहैतै केना मुश्किल छै
नै बोलोॅ करखी लगलोॅ छै गालोॅ पर
समय यही छै बोलोॅ आँख में काजल छै
असकल्लोॅ छी, रात अन्हरिया बस्ती दूरो
के बतलैतै कहाँ तलक ई जंगल छै
ककरौ कुछ नै मतलब तोरोॅ हालत सें
पूछौ कोय तेॅ कहोॅ कुशल छै मंगल छै
नै दिखलाबोॅ बाँही पर फुसरी केॅ तों
ककरो सौंसे देह पेॅ फोका ढलढल छै
जन्नें कोट कचहरी हुन्नै ‘तिलका’ के
हाथोॅ में छै धनुष भयानक, बिज्जल छै
सट्टी जा सत्ता सें जैमें लाभ दिखौं
अमरेन्दर केॅ छोड़ोॅ ऊ तेॅ पागल छै

-26.3.92