भारत की संस्कृति के लिए... भाषा की उन्नति के लिए... साहित्य के प्रसार के लिए
केवट रोॅ प्रार्थना / संवेदना / राहुल शिवाय
Kavita Kosh से
Rahul Shivay (चर्चा | योगदान) द्वारा परिवर्तित 00:05, 13 मई 2016 का अवतरण ('{{KKGlobal}} {{KKRachna |रचनाकार=राहुल शिवाय |अनुवादक= |संग्रह=संव...' के साथ नया पृष्ठ बनाया)
रामचंद्र हो रामचंद्र
तोरा केना केॅ नाव चढैयौं
एक्के टा धन-सम्पत ई छै
एकरा केना बिसरैयौं
गोड जे धरलोॅ तों पत्थर पर
पत्थर भेलै नारी
गोड मेॅ तोरोॅ बसलोॅ माया
डर लागै छै भारी
आबेॅ तोहीं बताबोॅ हमरा
केना केॅ साहस पैयौं
एक्के टा धन-सम्पत ई छै
एकरा केना बिसरैयौं
पहिलेॅ धोबौं गोड तोरोॅ हम
चरनामृत बनैभौं
फेरू ओकरा पिबी केॅ हम्मे
बात तोरोॅ पतियोंभौं
जों तों बोलोॅ चरनामृत लेॅ
हम्मे थाली लैयौं
एक्के टा धन-सम्पत ई छै
एकरा केना बिसरैयौं
रचनाकाल - १२ अक्टूबर 2007
