सै इसमैं थारी भलाई पढ़ो जुटकै लोग लुगाई / सतबीर पाई

सै इसमैं थारी भलाई, पढ़ो जुटकै लोग लुगाई
इबना दुख सहणा, रै अनपढ़ ना रहणा...

इब मतना देर लगाओ तुम सारे पढ़णे जाओ
एक तख्ती बस्ता ठाओ सुणो भाई बहणा...

खुशहाल बणै हरियाणा हो बच्चा बच्चा स्याणा
लड़की को जरूर पढ़ाणा मान लो नै कहणा...

शिक्षा की आग्यी किस्ती, हर गाँव गाँव हर बस्ती
सै शिक्षा कितनी सस्ती मिलै पढ़कै लहणा...
अब सुणल्यो बात आखीर शिक्षा सै निर्मल नीर
पाई वाले सतबीर, वक्त का सै गहणा...