भारत की संस्कृति के लिए... भाषा की उन्नति के लिए... साहित्य के प्रसार के लिए
टटात परछाईं / विश्वरंजन
Kavita Kosh से
Mani Gupta (चर्चा | योगदान) द्वारा परिवर्तित 21:18, 30 सितम्बर 2013 का अवतरण ('{{KKGlobal}} {{KKRachna |रचनाकार=विश्वरंजन |अनुवादक= |संग्रह= }} {{KKCatKavi...' के साथ नया पन्ना बनाया)
अउरो सब मौसम त दोसरा के नाम बा
बाकिर, अँसुआइल जे, ऊहे हमार ह।
अइसन अन्हरिया चितकबरी बा आँखि में
बासमती चाँदनी उबीछ दीं त कइसे
सूखल बबूल के टटात परछाईं हम
बास उड़ल फुलवा के लाश पड़ल जइसे
गदराइल बेरा त तोहरे दुआर बा
डेउढ़ी विदुराइल जे, ऊहे हमार ह।
सपना के रात बड़ा साजल जे रहे मीत
ईथर के अइसन उड़ गइल बिना कहले
कोढ़िया के काया जस आगे के दिन लागे
सगरे संसार अब लउकेला ढहले
दुनिया में देखे के राग-रंग केतना बा
दर्द से रंगाइल जे, ऊहे हमार ह।
