भारत की संस्कृति के लिए... भाषा की उन्नति के लिए... साहित्य के प्रसार के लिए
कलियाँ-कलियाँ कहि के नाऽही अईलें / दीपक शर्मा 'दीप'
Kavita Kosh से
Sharda suman (चर्चा | योगदान) द्वारा परिवर्तित 08:57, 21 सितम्बर 2016 का अवतरण ('{{KKGlobal}} {{KKRachna |रचनाकार=दीपक शर्मा 'दीप' |अनुवादक= |संग्रह=...' के साथ नया पृष्ठ बनाया)
कलियाँ-कलियाँ कहि के नाऽही अईलें मोरे बालम जी
दिनवा-रतिया, सँसिया दूभर कईलें मोरे बालम जी।
हरियर-हरियर रहल करेजवा-धरती तऽ ओ दिनवा हो
फेर न सुधिया लिहलें, 'बंजर' कईलें मोरे बालम जी।
डूबत रहलीं पकड़ि कलऽईया बाहर खीच बचऽवलें कि
छन भर नाही बीतल फिर से बोरऽलें मोरे बालम जी।
सुगना-सुगना कहि-कहि हमसे खूबय बात बनवलें जी
जाय बिदेसवा, मोर सवतिया धयिलें मोरे बालम जी।
कवनो गत तऽ नाही छोडलें, का-का पीर बतायीं हो
मंगरसूत कऽ पगहा धइ-धइ, मरलें मोरे बालम जी।
आध उमिरिया बीत गयल कि आध बचल बा रामा रे
आध-आध में पूर जिनिगिया खयिलें मोरे बालम जी।
मारय के ही रहल तऽ आखिर काहे जान बचऽयिले हो
काहे के फिर ओ दिन, हथवा धयिलें मोरे बालम जी?
