जब हे दुलरुआ पूता, बिआहे चलला / अंगिका लोकगीत

   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

जब हे दुलरुआ पूता, बिआहे चलला।
बाबा मन परि गेल, अम्माँ मन परि गेल।
नैन नीर भरि गेल हे॥1॥
आह अबसरिया रे गभरू, बाबा रहितौ रे अपना।
बाबा जे रहितौ रे गभरू, सजैतौ बरिहेयतिया॥2॥
अम्माँ जे रहितौ रे गभरू, सजैतौ डाला हे दौड़बा।
अहि अबसरिया रे गभरू, बहनोइया मन हे परि गेल॥3॥
अहि अबसरिया रे गभरू, बहिनी रहितौ हे अपना।
बहिनी जे रहितौ रे गभरू, रँजैतौ दूनू हे अँखिया।
बहनोइया जे रहितौ रे गभरू, पिन्हैतौ जामा हे जोड़बा॥4॥