भारत की संस्कृति के लिए... भाषा की उन्नति के लिए... साहित्य के प्रसार के लिए
जे सोबै से खोवै छै / मधुसूदन साहा
Kavita Kosh से
Lalit Kumar (चर्चा | योगदान) द्वारा परिवर्तित 01:31, 11 जून 2016 का अवतरण ('{{KKGlobal}} {{KKRachna |रचनाकार=मधुसूदन साहा |अनुवादक= |संग्रह= }} {{KK...' के साथ नया पृष्ठ बनाया)
जे सोवै से खोवै छै
बाकी जिनगी रोवै छै।
जखनी पोथी पढ़ना छै
आपनोॅ किस्मत गढ़ना छै
सबकें पीछू छोड़ी केॅ
आगू जखनी बढ़ना छै
तखनी जे नै संभलै छै
सब दिन दुक्खे ढोवै छै।
जे मेहनत सें भागै छै
ठीक समय नै जागै छै
ओकरे खेत-पथारोॅ में
चोर-उचक्का लागै छै
आम कहाँ सें खैतै ऊ
जे बबूर ही बोवै छै।
जेकरा सभै सुहावै छै
सबके सुख पहुँचावै छै
ओकरा ऊपर कहियो नै
कोनो आफत आवै छै
आपनोॅ हाथ हमेशा ऊ
गंगाजल में धोवै छै।
जे सोवै से खोवै छै
सौंसे जिनगी रोवै छै।
