भारत की संस्कृति के लिए... भाषा की उन्नति के लिए... साहित्य के प्रसार के लिए
जाड़ा / अमरेन्द्र
Kavita Kosh से
दलदल दलकै हमरोॅ हाड़
सुइये रं चूभै छै जाड़
कँपकँप काँपै दोनों ठोर
कस्सी बान्हलौं गाँती जोर
ओढ़ना ओढ़ोॅ वही रजाय
बुतरु वास्तें जाड़ कसाय
कनकन्नोॅ राते रं भोर
गुरुओ जी सें जाड़ कठोर
रौदा उगै नै, खेलौं खेल
बुतरु वास्तें जाड़ा जेल
गल्लोॅ जाय छै हमरोॅ हाड़
कहिया जैभा तोहें जाड़ ?
