भारत की संस्कृति के लिए... भाषा की उन्नति के लिए... साहित्य के प्रसार के लिए
प्यारी की रूसिबो / रसलीन
Kavita Kosh से
भोर तें भई है साँझ सखिन मनावति हैं
कैसहूँ न मान्यो प्यारी अति हीं रिसाइ कै।
तब पिय भेख लै सखी को सखि आपुन दै,
घात लाइ बैठे ढिग भामिनी के जाइ कै।
सखी कों समुझ लाल बाल मुख मोरत हीं
लागी ज्यों गहन सखी त्यों ही सतराइ कै।
नेह सों निहारि कर झारि झिझकारि नारि
रसलीन गरें में लपट गई घाइ कै॥86॥
