भारत की संस्कृति के लिए... भाषा की उन्नति के लिए... साहित्य के प्रसार के लिए
बैत - 1 / पल पल जो परलाउ / हरि दिलगीर
Kavita Kosh से
1.
मौज हुई मैदान ते, बेहद बन्दूकूं,
टिड़िकियूं थे टैंकू उते, तेज़ हुयूं तोबूं,
मरन्दा के मांझी ॾिठमि, लोथियुनि ते लोथूं,
ख़ासे खू़न शहीद सां, रिण खे रङियाऊं,
वाका कन्दा मूं, वेरी ॾिठा वाट ते।
2.
सूर्हिय लंइ संग्राम, आहे नोतो नींहं जो,
मौज ॾिसी मैदान जी, मुरिकनि मस्त मुदाम,
सीने में सूराख़ सौ, पुठीअ कीन क़ियाम,
वरणु ऐं वरियाम, दाखि़ल आहे दोष में।
3.
छुटिके पेई छोह मां, गोलीअ ते गोली,
आया बांका बांवरा, टोलीअ ते टोली,
हिक ॿिए सां होली, मांझियुनि कई मैदान ते।
4.
जिति मुल्की मजनूं मुआ, कूंधर थिया क़तलाम,
अहिड़ो उत्तम धामु, लभिणो नाहे लूइ में।
5.
हरदम हूंदें कोन तूं, हलिणो आ हिक ॾींहुं,
छोन निबाहीं नींहुं, पंहिंजे दिलबर देस सां।
6.
मुल्क मथां जेके मुआ, से भी कोन मुआ,
हरदम उहे हुआ, दिलि दिलि जा दिलदार से।
