1,406 bytes added,
04:32, 21 अगस्त 2014 {{KKGlobal}}
{{KKRachna
|रचनाकार=हनुमानप्रसाद पोद्दार
|अनुवादक=
|संग्रह=पद-रत्नाकर / हनुमानप्रसाद पोद्दार
}}
{{KKCatPad}}
<poem>
(राग केदार-ताल तीन ताल)
मन, कछु वा दिनकी सुधि राख।
जा दिन तेरे तनु-दुकानकी उठि जैहें सब साख॥
इंद्रिय सकल न मानहिं अनुमति छोड़ चलैं सब साथ।
सुत, परिवार, नारि नहिं कोऊ पूछैं दुख की गाथ॥
वारँट लै जम-दूत आइ तोहि पकरि बाँधि लै जाय।
कोउ न बनै सहाय काल तिहि देखत ही रहि जाय॥
जम के कारागार नरक महँ अतिसय संकट पाय।
बार-बार करनी सुमिरन करि सिर धुनि-धुनि पछिताय॥
जो यहि दुख तें उबरो चाहै तो हरि-नाम पुकार।
राम-नाम ते मिटै सकल दुख, मिलै परम सुख-सार॥
</poem>