शताब्दी. / कृष्ण पाख्रिन

एक

बम बोकेर हवाई आक्रमण गर्न हिँडेका
यी हवाईजहाजहरु हावामा कावा खाँदै
कुनै बेला आफ्नै देशमा
खसाल्छ कि जस्तो
बिना सूचना !
बिना दुस्मनी !!
यी बमहरु

दुई

जब जब यात्रा गर्छु
हवाईजहाजबाट
लाग्छ, कुनै दिन हाईज्याकिमा परेर
लास मात्र पाउनेछन्
मेरा सन्तान र मित्रहरुले
अनि दुःख र सान्त्वनाका शब्दहरुमा
छापिनेछ पत्रिकाको कुनै कोलममा
मेरो दुःखद मृत्युको समाचार !
मेरो आकस्मिक मृत्युको समाचार !!