भारत की संस्कृति के लिए... भाषा की उन्नति के लिए... साहित्य के प्रसार के लिए
शासक सब ठो जादूगर / नन्दलाल यादव 'सारस्वत'
Kavita Kosh से
शासक सब ठो जादूगर
देश लगै छै भुतहाघर।
मंत्री तेॅ मालिक होलै
जनता तेॅ हुनकोॅ नौकर।
देह भले ही चिकनोॅ रं
मोॅन पहाड़ोॅ के पत्थर।
जंगल-जंगल लोग बसै
घोॅर-घोॅर मेॅ छै अजगर।
कखनी की होतै, यैठां
सबके हाथोॅ में अधभर।
आँख बिलाए रं चमकै
जीभ झुलै छै बित्ता भर।
सारस्वतोॅ के नामे से
निकली ऐलै सब बाहर।
