{{KKGlobal}}
{{KKRachna
|रचनाकार=शिवराज भारतीय|संग्रह=रंग लुटाती वर्षा आई -रंगीलो म्हारो देस / शिवराज भारतीय
}}
{{KKCatRajasthaniRachna}}
{{KKCatBaalKavita}}
<poem>
ढम-ढमा-ढम बाजै ढोल
नाचै सगळा टाबर टोल
बबलू गबलू गोलू नाचै
पिंकी धापू गीत सुणावै
टाबर सगळा ताळी पीटै
बोल रामूड़ा थूं भी बोल
ढम-ढमा-ढम बाजै ढोल
नाचै सगळा टाबर टोल
तीज त्युंहारां मिंदर मेड़ी
ब्याव बनौरै बाजै ढोल।
मेळां-ठेळां री रंगत नै
बाज-बाज बधावै ढोल
ढम-ढमा-ढम बाजै ढोल
नाचै सगळा टाबर टोल
</poem>