भारत की संस्कृति के लिए... भाषा की उन्नति के लिए... साहित्य के प्रसार के लिए

ढ़ोल / शिवराज भारतीय

Kavita Kosh से
यहाँ जाएँ: भ्रमण, खोज

ढम-ढमा-ढम बाजै ढोल
नाचै सगळा टाबर टोल
बबलू गबलू गोलू नाचै
पिंकी धापू गीत सुणावै
टाबर सगळा ताळी पीटै

बोल रामूड़ा थूं भी बोल
ढम-ढमा-ढम बाजै ढोल
नाचै सगळा टाबर टोल
तीज त्युंहारां मिंदर मेड़ी
ब्याव बनौरै बाजै ढोल।

मेळां-ठेळां री रंगत नै
बाज-बाज बधावै ढोल
ढम-ढमा-ढम बाजै ढोल
नाचै सगळा टाबर टोल