Last modified on 31 अगस्त 2011, at 20:17

फोग रो गुरुमंतर / शंकरसिंह राजपुरोहित

Neeraj Daiya (चर्चा | योगदान) द्वारा परिवर्तित 20:17, 31 अगस्त 2011 का अवतरण (नया पृष्ठ: {{KKGlobal}} {{KKRachna |रचनाकार=शंकरसिंह राजपुरोहित |संग्रह= }} [[Category:मूल राजस्था…)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

लूआं रा लपरका
अर
आंधी रा झपरकां सूं आयगी
फोग रै मूंडै फेफी,
फेरूं ई ऊभो है थिर
मरुधरा माथै
सींव रै रुखाळै सो अड़ीजंत।

तिरकाळ तावड़ै सूं
बुझावै आपरी तिरस
लीलीछम कूंपळा बण जावै
किणी ऊंट री जुगाळी
अर बीज बधावै-
रायतै रौ स्वाद।

मन में कठै है खोट ?
सींव रा रुखाळा ई लेवै
जिणरी ओट।

जोग लियोड़ो सो फोग
दुनिया नैं देवै
गिरस्थी चलावण रो गुरुमंतर
अर
संतां नैं सीख।