भारत की संस्कृति के लिए... भाषा की उन्नति के लिए... साहित्य के प्रसार के लिए
पईसो अर मिनख / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 17:16, 7 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=उजास रा सुपना / शिवराज भा…)
पईसो
आदमी सारू बण्यो
का बण्यो आदमी
पईसै सारू
इण बात रो खुलासो
करै
फकत कफन
अर
उणरै हेठै
सूत्यो मिनख।
लाम्बो चोड़ो कफन
नीं राखै
च्यार आंगळ री गो‘ज
अर आखी उमर
बैंकां रै
बांथ भरण वाळै
इण मिनख कनैं नीं है
पईसे रो खुर-खोज।
