भारत की संस्कृति के लिए... भाषा की उन्नति के लिए... साहित्य के प्रसार के लिए
ऊंदर थाणेदार / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 15:40, 6 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=रंग-रंगीलो म्हारो देस / शि…)
लाल टोपी, काळो चश्मो,
पै‘र पजामो झालरदार
हाथ में डंडो, मुंह में सीटी,
ऊंदर बणग्यो थाणेदार।
मूंछ पलारी, टाई सुंवारी
बांकी-बांकी चाल्यो चाल।
गुवाड़ी में मारी दाकळ,
टाबर होग्या आकळ-बाकळ,
ऊंदरड़ी फुलाया गाल।
बिल्ली नै सुधारूंलो,
गुंडा नै सुंवारूंलो,
पूछूंलो म्है कई सुवाल
बिल रै सामी बिल्ली आई,
ऊंदरियै री शामत आई,
छयांया-म्यांयां सारा सुवाल।
