ऊपर असमान बाटइ निचवा महियवा
महइ महतारी मोरी बिचवइ दइयवा
घुमइ देंइ मथानी अम्मा नाचइ देंइ दुनियवा
रिसी नाचइं मुनी नाचइं ओझवा गुनियवा
नाचइं भगवान येनकइ झुठवा सहियवा
महइ महतारी मोरी बिचवइ दइयवा
राजा नाचइं बाबू नाचइं पुलिस औ सिपहिया
गुरु औ पुरोहित नाचइं होमिया करहिया
सेठ साहूकार नाचइं खतवा बहियवा
महइ महतारी मोरी बिचवइ दइयवा
नाचइ सरकार एनकइ टिकली दललिया
ताज नाचइ तकथ नाचइ किलवा महलिया
नाचइ एनकइ पाप मुड़े जइसे पहियवा
महइ महतारी मोरी बिचवइ दइयवा
बिचवा अकासे मइया बरलें दियनवा
खरइ देइ मसका माई पसइ दे घियनवा
रहि जातीं लाज तोरिउ हमरिउ कहियवा
महइ महतारी मोरी बिचवइ दइयवा !