छोरा है जइयौं हुसियार,
गाम में नेता आवैगौ।
गाम में नेता आवैगौ,
संग में धन्नौ लावैगौ।
धन्नौ लावैगौ और
पामन पर जावैगौ।
पामन पर जावैगौ,
बइयरन कूँ फुसलावैगौ।
उन्हें साड़ी पहनावैगौ,
बड़ेन कूँ कम्बल लावैगौ।
और चौधरी साहब कूँ,
चुपके से नोट थमावैगौ।
कि कर लेउ दरसन पहली बार,
फेरि पहचान न पावैगौ।
मिलन दूभर है जावैगौ,
जो कुछ कहनौ होइ कहि लेउ,
फेर नहिं औसर आवैगौ।
छोरा है जइयौं हुसियार,
गाम में नेता आवैगौ।